За нас
Реституција ДООЕЛ Скопје
Друштво за обработка и наплата на штети – Реституција ДООЕЛ Скопје, е специјализирано друштво за посредство и застапување во процесот на обработка и наплата на штети чија професионална специјалност е правниот институт надомест на штета, од сите можни негови аспекти.
Што не прави најдобри на пазарот?
Платформата на нашето друштво е составена од правници, адвокати, проценители, вештаци, сообраќајни инженери, машински инженери, доктори, осигурителни брокери, односно истакнати и искусни соработници (стручни лица), кои целиот свој работен век се занимавале со проблематика поврзана со надомест на штета, интелектуално здружени со цел квалитетна услуга за задоволен клиент.
Како се обработува вашиот предмет?
За вашиот предмет, согласно потребите, со партиципативен работен ангажман за квалитетна обработка на предметот ќе се ангажираат соодветни стручни лица од потребната област. На пример, во предмет каде клиентот претрпел штета во сообраќајна незгода:
- Правниот основ го одредува правник со претходно долгогодишно работно искуство во осигурителна компанија, на работен процес обработка на отштетни побарувања;
- Сообраќајниот основ се утврдува во соработка со лиценциран сообраќаен вештак;
- Видот, степенот и првичната вредност на оштетувањата на возилото го анализираме со лиценциран машински вештак;
- Видот, степенот и карактерот на повредите го утврдуваме во соработка со соодветен доктор кој и притоа е лиценциран вештак од областа на медицината;
- Доколку за предметот е потребно поднесување на тужба со цел судско-правна заштита на клиентот, тогаш истиот се предава на адвокат, со искуство во застапување на предмети за надомест на штета пред суд.
Кога ја наплаќаме услугата?
Кај нас, наплатата на процентот од отштетата секогаш се реализира на самиот крај на обработката на предметот, кога клиентот (физичко лице) ќе го добие износот наменет за надомест на неговата штета.
Од нас нема никогаш да добиете нереални ветувања ниту очекувања. Кај нас секоја фаза од постапката за надомест на вашата штета е транспарентна, односно можете да бидете во постојан тек и да извршите увид што и до каде е сработено во вашиот предмет.